ქალთა ოთახის სერვისებით სარგებლობის შეფასება
2019 წლის 25 ივლისს, ქალთა საინფორმაციო ცენტრის წარმომადგენლებმა, ბათუმის მუნიციპალიტეტში ჩაატარეს ფოკუს - ჯგუფები, რომლის სამიზნე ჯგუფი იყო ადგილობრივი ლიდერი და მეწარმე ქალები, რომლებიც სარგებლობენ/არ სარგებლობენ ქალთა ოთახის სერვისით.
ფოკუს ჯგუფის ჩადარების მიზანი იყო, მუნიციპალიტეტში არსებული ქალთა ოთახის სერვისებით სარგებლობის შეფასება, შემდგომი მუშაობის ეფექტიანად დაგეგმარებისთვის.
ქალთა საინფორმაციო ცენტრის წარმომადგენლებმა ასევე გამართეს შეხვედრა ბათუმის გემდერული თანასწორობის საბჭოს წევრებთან.
სამუშაო შეხვედრაზე, პროექტი „საქართველოს მუნიციპალიტეტებში ქალთა ოთახების სტანდარტიზაცია და მასშტაბების გაზრდა“ განიხილეს, რომლის ფარგლებშიც მუნიციპალიტეტებში მცხოვრები ქალებისთვის იქმნება სივრცე თანაბარი შესაძლებლობისთვის, სადაც მათ საშუალება აქვთ თანამედროვე ტექნოლოგიების გამოყენებით ისარგებლონ სხვადასხვა სერვისებით, პროგრამებით და ასევე, აქტიურად ჩაერთონ ქალაქში მიმდინარე აქტივობებში.
შეხვედრები ჩატარდა პროექტის ,,საქართველოს მუნიციპალიტეტებში ქალთა ოთახების სტანდარტიზაცია და მასშტაბების გაზრდა’’ ფარგლებში, რომელსაც ახორციელებს ქალთა საინფორმაციო ცენტრი, გაეროს ქალთა ორგანიზაციის მხარდაჭრით. |
