საქართველოს ლატარიის კომპანიამ და არასამთავრობო ორგანიზაცია ქალთა საინფორმაციო ცენტრმა 1 თვიან სოციალურ კამპანიის მეორე ეტაპი წამოიწყო სახელწოდებით „ასე უფრო მარტივია“. კამპანიის მიზანი იყო სოფლად მცხოვრები სოციალურად დაუცველი, მრვალშვილიანი და მძიმე პირობებში მცხოვრები ოჯახების დახმარება საყოფაცხოვრებო ტექნიკითა და პროდუქტებით.
არასამთავრობო და საერთაშორისო ორგანიზაციებისგან შემდგარმა ქალთა პოლიტიკური მონაწილეობის სამუშაო ჯგუფმა (Task Force) საქართველოს პარლამენტში კანონპროექტი შეიტანა, რომელსაც ხელს აწერს საქართველოს მასშტაბით 37 455 ამომრჩეველი. ის გულისხმობს 2 ორგანულ კანონში ცვლილებების შეტანას და დროებითი ზომების მიღებას ქალთა პოლიტიკური მონაწილეობის გასაზრდელად.
არასამთავრობო ორგანიზაცია ქალთა საინფორმაციო ცენტრმა და საქართველოს ლატარიის კომპანიამ დაასრულა სოციალური კამპანიის #ასეუფრომარტივია მეორე ეტაპი, რომლის ფარგლებშიც 12 ოჯახს მათთვის საგანგებოდ შერჩეული სასაჩუქრე გზავნილები გადაეცა. შემაჯამებელი შეხვედრა 16 ივნისს ტრენინგებისა და კონსულტაციების ცენტრ CTC-ში გაიმართა.
ხარაგაულის მუნიციპალიტეტის საკრებულოში შექმნილი გენდერული თანასწორობის საბჭოს წევრებისთვის ტრენინგი გაიმართა. ქალთა საინფორმაციო ცენტრის (WIC) წარმომადგენელმა მამუკა გაჩეჩილაძემ და პროექტის კოორდინატორმა ნათია კაპანაძემ ერთდღიანი ტრენინგი გენდერული თანასწორობის, ძალადობისა და გენდერული სტერეოტიპების თემაზე ჩაატარეს.
18 მაისს საქართველსო პრეზიდენტი, გიორგი მარგველაშვილი ეროვნულ პლატფორმაში გაერშიანებულ არასამთავრობო ორგანიზაციებს შეხვდა, რომლებთანაც საკონსტიტუციო ცვლილებების საკითხი განიხილა. მიწვეულთა შორის იყო ქალთა საინფორმაციო ცენტრი წარმომადგენელი ნაზი ბურდულაძე.
ქალთა საინფორმაციო ცენტრის ხელმძღვანელმა ელენე რუსეცკაიამ, როგორც საქართველოს დელეგაციის წევრი, მონაწილეობა მიიღო მოლდოვის დედაქალაქ კიშინოვში გამართულ სამუშაო შეხვერდაში. ღონისძიება ეძღვნება გაეროს რეზოლუცია 1325-ის იმპლემენტაციის შესახებ გამოცდილებისა და პრაქტიკის გაზიარებას.
