16-18 სექტემბერს, თბილისში, გაიმართა ორდღიანი სამუშაო შეხვედრა სამოქალაქო ორგანიზაციების წარმომადგენლებისთვის, რომლებიც ქალთა გაძლიერებაზე მუშაობენ. მონაწილეებს შორის იყვნენ თემის ლიდერი ქალები კახეთიდან, ქვემო ქართლიდან, გურიიდან, სამეგრელოდან და იმერეთიდან.
სამუშაო შეხვედრის მიზანი იყო სამოქალაქო საზოგადოების წარმომადგენლების მხარდაჭერა, მათი ფსიქოლოგიური მდგრადობის გაძლიერება და გამოცდილების გაზიარება.
ფსიქოლოგის სესია – პროგრამა დაიწყო ფსიქოლოგის, ექსპრესიული ხელოვნების თერაპევტის ნათია ფანჯიკიძის შეხვედრით, სადაც მონაწილეებმა ისაუბრეს სტრესის იდენტიფიკაციასა და ტრავმასთან გამკლავებაზე. ქალებს შესაძლებლობა ჰქონდათ ჩართულიყვნენ მეტაფორულ და სხეულზე ორიენტირებულ სავარჯიშოებში.
სამოტივაციო სესია – „რა შეუძლია ერთ ქალს“ – მწერალმა, სცენარისტმა და ჟურნალისტმა ნენე კვინიკაძემ მონაწილეებს გაუზიარა სამოტივაციიო ისტორიები და გამოცდილება.
,,ასეთი ტიპის შეხვედრები ძალიან ძვირფასია ჩემთვის, პროფესიულად, ისტორიებზე მონადირე ადამიანებისთვის. გაზიარების ეს ფორმა ძვირფასია, განსხვავებული ისტორიებით ასკვნი, რა მრავალფეროვანია საზოგადოება.როცა ადამიანები გახსნილად გესაუბრებიან, ეს ყველაზე საინტერესო ნაწილია და ყოველ ჯერზე ვივსები ემოციებით. სესიის სახელწოდებაც გადაჭარბებული არ იყო, თამამად დავარქვი, რადგან ვიცნობ ასეთ ქალებს, რომლებსაც შეუძლიათ შეცვლა, წარმოუდგენელ გარემოშიც კი და დღევანდელი შეხვედრა იყო ამის ნათელი მაგალითი, რომ როცა რაღაცაზე ვსაუბრობ, დიალოგში შემოსული ადამიანი აღმოჩნდება ხოლმე ამის მაგალითი” - ნენე კვინიკაძე.
ჟურნალისტიკის რესურსცენტრის თავმჯდომარემ და ჟურნალისტმა, ნინა ხელაძემ ჩაატარეს სესია თემაზე „ხელოვნური ინტელექტი მოქმედებაში“.
ინტერაქტიული ფორმატები – ქალებს შესაძლებლობა ჰქონდათ მონაწილეობა მიეღოთ Playback თეატრის არაფორმალურ სესიაში, სადაც პირადი ისტორიები სცენურ იმპროვიზაციებში გარდაიქმნა. ეს პროცესი ემსახურებოდა ემოციური გამოცდილების გაზიარებას, ურთიერთგაგებას და კოლექტიური მოტივაციის გაძლიერებას.
სამუშაო შეხვედრას ფასილიტაციას უწევდნენ ქალთა საინფორმაციო ცენტრის გამგეობის თავმჯდომარე, ელენე რუსეცკაია და აღმასრულებელი დირექტორი თეონა ჩიქოვანი.
ორდღიანმა სამუშაო შეხვედრამ შექმნა უსაფრთხო, ინკლუზიური და შემეცნებითი გარემო, სადაც მონაწილეებმა მიიღეს პრაქტიკული ინსტრუმენტები სტრესისა და ემოციების მართვისთვის, გაზიარეს გამოცდილება და შეიძინეს ახალი ცოდნა.
შეხვედრა ჩატარდა ქალთა საინფორმაციო ცენტრისა და გაეროს ქალთა ორგანიზაციის ერთობლივი ორგანიზებით, ნორვეგიის განვითარების თანამშრომლობის სააგენტოს (NORAD) ფინანსური მხარდაჭერით.
We take great pride in announcing that WIC from Georgia has been bestowed with the esteemed CAREC PROGRAM Gender Award—CAREC GENDER CHAMPIONS 2023. Certainly, it is noteworthy that women's organizations from various countries around the world were nominated for this prestigious award
On July 26, 2019, representatives of the Women's Information Center organized a focus group in Kobuleti Municipality that included local leaders and women entrepreneurs who use / do not use the Women's Room Service.The purpose of the focus group was to evaluate the use of women's room services in the municipality for effective planning of further work.
Address::
40, Tsinamdzgvrishvili Str., 0102,Tbilisi, Georgia