31 მარტს გორში, თავდაცვის ეროვნულ აკადემიაში გენდერის საკითხებში მრჩევლების ტრენინგი დაიწყო. ტრენინგი ტარდება თავდაცვის სამინისტროს, საქართველოში ნატოს სამეკავშირეო ოფისის, თავდაცვის აკადემიისა და ქალთა საინფორმაციო ცენტრის მხარდაჭერით.

13 მარტს, დემოკრატიული ჩართულობის ცენტრში, ქალაქ გორის მუნიციპალიტეტის საკრებულოს თავმჯდომარის ინიციატივით კანონში ,,გენდერული თანასწორობის შესახებ“ შესატანი ცვლილებების პაკეტის საჯარო განხილვა მოეწყო. კანონში შესატანი ცვლილებების პაკეტის ინიციატორია ქალთა სიანფორმაციო ცენტრი ბრიტანული საქველმოქმედო ორგანიზაცია OXFAM-ის საქართველოს წარმომადგენლობის მხარდაჭერით პროექტის ”გენდერული სამართლიანობა ქალთა პოლიტიკური თანამონაწილეობის გაძლიერების გზით” ფარგლებში.

სწორედ დამფუძნებელი კრების წევრი ქალების ცხოვრებისა და მოღვაწეობის ამსახველი დოკუმენტაცია და ფოტომასალა გამოიფინა თბილისის საკრებულოს შენობაში ამერიკის შეერთებული შტატების საერთაშორისო განვითარების სააგენტოს _ USAID-ის მიერ დაფინანსებული პროექტის ”ქალები, როგორც აქტორები ცვლილებებისა და გაძლიერებისათვის” ფარგლებში, ქალთა საინფორმაციო ცენტრისა და საქართველოს ეროვნული არქივის თანამშრომლობის შედეგად და მომზადდა ღია ბარათები.

საქართველოს საგარეო საქმეთა მინისტრი თამარ ბერუჩაშვილი, ამერიკის შეერთებული შტატების ელჩი საქართველოში რიჩარდ ნორლანდი, ამერიკის შეერთებული შტატების საერთაშორისო განვითარების სააგენტოს – USAID-ის კავკასიის მისიის ხელმძღვანელის მოადგილე თომას მორისვილი და თბილისის საკრებულოს თავმჯდომარე, გიორგი ალიბეგაშვილი, გამოფენას ”დამფუძნებელი კრების წევრი ქალები: 1919-1921” გახსნიან. გამოფენა ეძღვნება ქალთა ისტორიის თვეს და პატივს მიაგებს პირველ ქართველ პოლიტიკოს ქალებს საქართველოს დემოკრატიული რესპუბლიკის ისტორიაში. 1919 წელს ჩატარებულ არჩევნებში მონაწილეობის მიღება შეეძლო საქართველოს ყველა მოქალაქეს, განურჩევლად სქესისა. შედეგად, დამფუძნებელი კრების წევრად 5 ქალი იქნა არჩეული.

ნიუ-იორკში ქალთა სტატუსის განმსაზღვრელი კომისიის 59-ე სესია მიმდინარეობს. ოფიციალური შეხვედრების პარალელურად იმართება სხვადასხვა ღონისძიებები. ასე, გაეროს ქალთა ორგანიზაციის მთავარ ოფისში გაიმართა რეგიონული აქტივისტების შეხვედრა, რომელიც AWID (Association in Women’s right Devopment) ინიციატივით და ორგანიზებით გაიმართა. ქალთა საინფრომაციო ცენტრის წარმომადგენლები დაესწრნენ შეხვედრას, რომელიც ირანელი და აფრიკელი სოციალური მეწარმე ქალების პრობლემებს და გამოწვევებს ეხებოდა.

საქართველოს პრეზიდენტი გიორგი მარგველაშვილი და საქართველოს პარლამენტის თავმჯდომარე დავით უსუფაშვილი ქალთა პოლიტიკური მონაწილეობის საკითხებზე გამართულ შეხვედრაში მიიღეს მონაწილეობა.

გენდული თანასწორობის საერთაშორისო კვირეულის ფარგლებში, პრეზიდენტმა გიორგი მარგველაშვილმა საზეიმო მიღებას უმასპინძლა. კვირეულის წლევანდელი სლოგანია „ძლიერი ქალი - ძლიერი საზოგადოება“. 6 მარტს პრეზიდენტის სასახლე მწვანედ განათდა, რაც იმას ნიშნავს, რომ პრეზიდენტი მხარს უჭერს დროებითი წამახალისებელი ზომების სახით კვოტირების სისტემის შემოღებას

ალთა საერთაშორისო დღეს, 8 მარტს, ნიუ-იორკში გენდერული თანასწორობისათვის მსვლელობა გაიმართა. მსვლელობას საერთაშორისო დონის ვარსკვლავები, გენდერული თანასწორობის ადვოკატირებაში ცნობილი პირები და ათასობით ადამიანი შეუერთდა. ისინი ერთად ლობირებდნენ გენდერულ თანასწორობას. საქართველოდან მარშს ქალთა სანფორმაციო ცენტრის და გენდერული საინფორმაციო სააგენტო შეუერთდნენ.

გენდერული ძალადობის წინააღმდეგ 16-დღიანი კამპანიის ფარგლებში, ქალთა საინფორმაციო ცენტრის (WIC), ხაშურის მუნიციპალიტეტის მერიისა და გენდერული თანასწორობის საბჭოს ერთობლივი ინიციატივით, ხაშურში სამუშაო შეხვედრა ჩატარდა.

ილია ჭავჭავაძის ლიტერატურულ-მემორიალურ მუზეუმში, ქალთა საინფორმაციო ცენტრის ორგანიზებით,  პროექტის “შერჩეულ მუნიციპალიტეტში გენდერული თანასწორობის მეინსტრიმინგი და ხელშეწყობა“ შემაჯამებელი შეხვედრა გაიმართა